"O səs Türkiyə" münsiflərinin həftəlik qazancı - siyahı

Acun İlıcalın öz kanalı olan TV8-də yayımladığı və aparıcılıq etdiyi "O səs Türkiyə" münsiflərinin aldıqları məbləğ açıqlanıb.

Axşam.az-ın Türkiyə mətbuatına istinadən məlumatına görə, oktyabrdan başlayan yeni mövsümdə münsiflər heyətinə daxil olan Sibel Canın həftəlik olaraq 100 min lirə (təxminən 50 min manat) alır.



Münsiflər heyətin ən köhnə üzvləri Hadisə və Murad Bozun həftəlik qazancı keçən ilki kimidir. Onlar bu mövsüm də həftəyə 85 min lirə (təxminən 42 min manat) qazanırlar.



"Athena" qrupunun üzvləri olan əkiz qardaşlar Gökhan və Hakan Özoğuz isə ikisi bir yerdə həftəlik cəmi 90 min lirə (təxminən 45 min manat) alırlar.



Üç ildir münsiflər heyətində olan və bu mövsüm ayrılan Ebru Gündeş isə keçən il həftəlik 100 min lirə (təxminən 50 min manat) alırdı.