Tolik əsəbiləşdi: "Pivəxanada oxuyur, adını qoyur konsert"

Tolik əsəbiləşdi: "Pivəxanada oxuyur, adını qoyur konsert"
11:29 20 Noyabr 2016
53 Digər
Ölkə mətbuatı
A- A+

"Heydər Əliyev Sarayında konsert vermək başqa məsuliyyətdir. Müğənni gedib yeməkxanada oxuyub, "konsert verdim" deyirsə, onun sənəti elə ora qədərdir".

Axşam.az-ın məlumatına görə, bu sözləri prodüser Tarix Əliyev (Tolik) "Xəzər maqazin"ə açıqlamasında deyib. 

Tolik bildirib ki, müğənnilər böyük səhnəyə çıxmaqdan qaçırlar:

"Tələbatlı olmadıqları üçün onlar böyük konsert zallarında yox, restoranlarda çıxış edirlər. Niyam Salami kimi müğənnilər restorandan başlamalıdırlar. Seda Sayan, Ebru Gündeş də pavilyondan gəlib. Bu normaldır, bunun adını konsert qoymasınlar. Aygün Kazımova 25 il əvvəl çıxıb restoranda oxuya bilərdi. Yazılırdı "Aygünlü gecələr", hamı bilet alıb gedirdi. Bu bir şou idi. İndikilər isə pivəxanada çıxıb oxuyur, adını qoyur "konsert verdim". Bu sənət göstəricisi deyil".

Tolik şou-biznesin artıq olmadığını söyləyib:

"Şou-biznes ölüb, Allah rəhmət eləsin. İndi şou-biznes ancaq toylardadır. Afişalar xarici yox, bizim  müğənnilərlə dolmalıdır. Hamısı deyir ki, pulumuz yoxdur konsert verək. İldə nə qədər toya gedirlər. Hər toydan 500 manat kənara atsalar, ilin axırında nə qədər pul olar, konsert verə bilərlər".

Prodüser müğənnilərin türk mahnıları oxumasını da qınayıb:

"Bizə öz musiqilərimiz lazımdır. Rəşid Behbudovun mahnılarını oxuyun, niyə etmirsiniz? Demək, istəmirlər oxumaq. Qaçırlar türk mahnılarının arxasınca".


Xəbərin orijinal ünvanı: http://news.lent.az/news/260020

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR