DÇ-2018-in seçmə mərhələsinin Şimali İrlandiya ilə oyunu Rəşad Sadıqov üçün əlamətdar olub.
Milli.Az apasport.az-a istinadən xəbər verir ki, kapitan milli forma ilə 108-ci oyununa çıxıb.
Buna qədər öz ölkəsinin yığmasında ən çox oyun keçirən futbolçular sıralamasında 265-ci sırada olan "Qarabağ"ın üzvü bu matçla birlikdə 14 futbolçu ilə bərabər 251-ci pilləyə qalxıb.
O, bu matçlarda 4 dəfə rəqib qapıçıları məyus etməyi bacarıb.
Zinəddin Zidan (Fransa), Bobbi Mur (İngiltərə), Yurgen Klinsmann (Almaniya) kimi əfsanələrə çatan kapitan Dieqo Qodin (Uruqvay), Aleksis Sançes (Çili) və Qabor Kirayla (Macarıstan) da göstəricisini eyniləşdirib.
Qeyd edək ki, yığmanın indiki heyətində yalnız üç futbolçu 50-ni fəth edib. Rekordçu Rəşaddan başqa, Kamran Ağayevlə Rahid Əmirquliyev də bunu bacarıb.
Milli.Az
Digər maraqlı xəbərlər Milli.Az-ın Facebook səhifəsində
