Bakı. 27 aprel. REPORT.AZ/ Malayziya XİN rəhbəri Anifah Aman Cənub-Şərqi Asiya ölkələri liderlərini Cənub Çin dənizindəki mübahisəli ərazilərlə bağlı Çinlə qarşıdurmadan çəkinməyə çağırıb. Bu barədə "Report" BBC-yə istinadən xəbər verir.
Həmin bəyanatla nazir mübahisəli sularda süni adaların tikintisinin kosmosdan peyk vasitəsilə çəkilən fotoşəkillərinin dərc edildikdən sonra Kuala-Lumpurda keçirilən ASEAN ölkələri sammitində çıxış edib.
Qeyd edək ki, Vyetnam, Filippin, Tayvan və Malayziya Cənub Çin dənizi akvatoriyasının bir hissəsinə görə Çinə qarşı iddia qaldırıblar. Söhbət böyük neft və qaz eytiyatlarının ola biləcəyi mühüm su marşrutlarından gedir.