Bu gün UEFA Çempionlar Liqasının qrup mərhələsinə yekun vurulacaq.
Publika.az xəbər verir ki, son turda 8 görüş keçiriləcək. Görüşlərdə 1/8 finalın son 3 iştirakçısı müəyyənləşəcək.
Turun ilk oyunlarının biri Türkiyədə baş tutacaq. D qrupunda mübarizə aparan İstanbul təmsilçisi "Qalatasaray" (4 xal) Portuqaliyanın "Portu" (13 xal) komandasını qəbul edəcək. Bu qrupda "Şalke" və "Portu" növbəti mərhələyə vəsiqəni təmin etdiyi üçün son oyun formal xarakter daşıyacaq.
Digər bir formal xarakterli oyun isə A qrupunda baş tutacaq. Burada mübarizə aparan "Borussiya" (Dortmund) (10 xal) və "Atletiko Madrid" (12 xal) növbəti mərhələyə keçdiyindən bu oyunlar da nəticəni dəyişməyəcək.
C qrupunda "Napoli" (9 xal) “Liverpul”un (6 xal) PSJ (8 xal) isə "Srvena Zvezda"nın (4 xal) qonağı olacaq. Bu qrupda "Srvena Zvezda"dan başqa digər 3 klubun növbəti mərhələyə yüksəlmək şansı var.
Sonuncu – B qrupunda isə "Barselona" (13 xal) 1/8 finala vəsiqəni təmin edib. "Tottenhem" (7 xal) və "İnter" (Milan) (7 xal) 2-ci yer uğrunda mübarizə aparacaq. “İnter” PSV-ni (1 xal) qonaq edəcək. "Tottenhem" isə Kataloniya səfərinə yollanacaq.
11 Dekabr
Çempionlar Liqası, 6-cı tur
Qrup mərhələsinin yekunu
D qrupu
21:55. "Qalatasaray" (Türkiyə) - "Portu" (Portuqaliya)
21:55. "Şalke" (Almaniya) - "Lokomotiv" (Moskva, Rusiya)
A qrupu
00:00. "Monako" (Fransa) - "Borussiya" (Dortmund, Almaniya)
00:00. "Brügge" (Belçika) - "Atletiko" (Madrid, İspaniya)
B qrupu
00:00. "İnter" (İtaliya) - PSV (Eyndhoven, Hollandiya)
00:00. "Barselona" (İspaniya) - "Tottenhem" (İngiltərə)
C qrupu
00:00. "Srvena Zvezda" (Serbiya) - PSJ (Fransa)
00:00. "Liverpul" (İngiltərə) - "Napoli" (İtaliya)