Bakı. Ləman Zeynalova - Trend:
Azərbaycan və Ermənistan Xarici İşlər nazirlərinin sabah Bratislavada Dağlıq Qarabağla bağlı predmet danışıqlara başlayacağı gözlənilir.
Trend-in məlumatına görə, bunu Azərbaycanın Xarici İşlər naziri (XİN) Elmar Məmmədyarov rusiyalı həmkarı Sergey Lavrovla mətbuat konfransı zamanı deyib.
Nazir qeyd edib ki, Ermənistanın XİN rəhbəri təhlükəsizlik barədə məsələni qaldırmaq niyyətindədir:
“Bizim və Ermənistanın anlayışında təhlükəsizlik nədir? İlk növbədə silahlı qüvvələr kazarmalara qayıtmalıdır. Bəli, təhlükəsizlik vacibdir. Amma həm də Azərbaycan və onun Qarabağdakı əhalisi üçün. Biz həmsədrlərə vəziyyətin dəyərləndirilməsi və təhlükəsizlik məsələsinin həll olunması üçün məruzənin hazırlanması ilə bağlı müraciət etmişik. Bunun üçün ciddi predmet danışıqlar lazımdır. Erməni həmkarımla Bratislavada görüşdən gözləntilər ondan ibarətdir ki, biz irəli getməliyik”.
Trend-in ən mühüm və maraqlı xəbərlərini "Telegram"da izləyin
