Türkiyə Prezidenti Rəcəb Tayyib Ərdoğanın seçki mahnısı "Çırpınırdı Qara dəniz" mahnısı olub.
Metbuat.az xəbər verir ki, bu barədə hakim Ədalət və İnkişaf partiyasının İstanbul üzrə nümayəndəsi Osman Nuri sosial media hesabında yazıb. O, bildirib ki, mahnı Ədalət və İnkişaf partiyasının İstanbul İl başkanlığı tərəfindən hazırlanıb. Osman Nuri yenidən adlandırılan "Senden Vazgeçmeyiz" mahnısının klipini “Bu mahnı millətin liderinə olan sevdasının adıdır” şərhi ilə paylaşıb.
Mahnının yeni sözləri belədir:
"Nice yollar aşmadık mı/Gönülde bir olmadık mı/Şahit oldu yedi düvel/Zoru kolay yapmadık mı
Sende biz sevdayı gördük/Senin davanla büyüdük/Ay yıldızı yaren bilip/Senin izinde yürüdük
Ah sözümüz söz olsun ki/Bu söz özümüz olsun ki/Sen varsan umudumuz var/Biz senden vazgeçmeyiz ki."
Qeyd edək ki, mahnı, Azərbaycanın dahi şairi Əhməd Cavadın yazdığı "Çırpınırdı Qara dəniz" şeirinə məşhur Azərbaycan bəstəkarı Üzəyir Hacıbəyov tərəfindən bəstələnmiş musiqi əsasında yaranıb. O zaman Üzeyir Hacıbəyov bu mahnını Nuru Paşanın komandalığındakı Qafqaz İslam Orusunun Azərbaycandakı qəhrəmanlıqlarına ithaf edib. Mahnı Türkiyədə Azərinin ifasında çox sevilir.
