Praqa, 19 iyun, AZƏRTAC
Vışeqrad dördlüyü (V4) ölkələrinin baş nazirləri iyunun 19-da Bratislavada Fransa Prezidenti Fransua Olland ilə görüşəcəklər. Çexiyanı görüşdə baş nazir Boquslav Sobotka təmsil edəcək.
Eyni zamanda Slovakiyanın V4-ə bir illik sədrliyinin başa çatması ilə əlaqədar Vışeqrad dördlüyü ölkələrinin müşavirəsi keçiriləcək. Dördlüyə sədrlik iyul ayında Çex Respublikasına keçəcək. Müşavirədə Ukraynada vəziyyət, iqlim dəyişmələri məsələlərinə dair Paris konfransına hazırlıq, habelə enerji təhlükəsizliyi, iqtisadi inkişaf və işsizliyə qarşı mübarizə məsələləri müzakirə ediləcək.
Pərvanə Qarayeva
AZƏRTAC-ın xüsusi müxbiri
Praqa
