“Umutsuz ev kadını”nın üçüncü dəfə toyu oldu - fotolar

“Umutsuz ev kadınları” serialının ulduzu, 41 yaşlı aktrisa Eva Longoria üçüncü dəfə ərə gedib.

Axşam.az xarici mətbuata istinadən xəbər verir ki, 47 yaşlı iş adamı Jose Antonio Baston ilə evlənən aktrisanın nikahı gizli şəkildə Meksikada olub. Cütlüyün uzaqdan çəkilmiş fotoları mətbuata yayılıb. 200 nəfərin qatıldığı toyda səbəbkarların yaxın dostları iştirak edib. Qonaqlar arasında məşhur Devid-Viktoriya Bekhem cütlüyü, müğənni Rikki Martinin də olduğu bildirilir.

Qeyd edək ki, Longoria və Antonio iki ildir birlikdə yaşayır. Milyonçu iş adamının əvvəlki evliliyindən üç uşağı var. Aktrisa isə əvvəl aktyor Teyler Kristofer, daha sonra Toni Parkerlə ailəli olub.