Rio Olimpiadası daha bir qalmaqalla yadda qalıb.
Baham adaları dövlətinin idmançısı Şaune Millerin Olimpiya Oyunlarında qızıl medal qazanması müzakirələrə səbəb olub.
Milli.Az xarici KİV-ə istinadən bildirir ki, Baham adalarının atleti Şaune Miller 400 metr məsafəyə qaçışın final mərhələsində finiş xəttinə tez çatmaq üçün hiylə işlədib. Belə ki, Miller rəqiblərini keçmək məqsədilə finiş xəttinə çataçatda tullanaraq yerə uzanıb. O, bu yolla Olimpiadanın qızıl medalını boynundan asıb.
Lakin Millerin bu yolla qızıla sahib çıxması digər idmançıların etirazına səbəb olub.
Qeyd edək ki, Miller finişə 49.44 saniyədə çatıb. Amerikalı Allison Feliks 49.51 saniyə ilə ikinci, yamaykalı Şerika Cekson isə 49.85 göstərici ilə Olimpiadanın bürünc medalçısı olub.
Təhməz Təkin
Milli.Az
