İspaniya mətbuatı "Barselona"nın futbolçusu Arda Turanın milliyə dəvət edilməsinə münasibət bildirib.
Bir çox idman qəzeti Ardanı DÇ-2018-in Ukrayna və İslandiya ilə seçmə oyunlarına çağırmamasına görə baş məşqçi Fatih Terimi tənqid edib.
Milli.Az goal.az-a istinadən xəbər verir ki, ölkənin əsas idman nəşrlərindən olan "Marca" qəzeti isə bu barədə yazıb: "Arda Barselona"ya transferindən sonra ən yaxşı dövrünü keçirir. Buna baxmayaraq, Fatih Terim ona ehtiyac duymadı. O, ardıcıl ikinci dəfə milliyə çağırılmadı".
"El Mundo Deportivo": "Arda ən formada olduğu dönəmdə milliyə çağırılmadı. Ümumiyyətlə, Terim millidə olduğu müddətdə Ardanın milli komandaya dəvət edilməsi ehtimalı azdır".
Milli.Az
