Türkiyə millisi "DÇ-2018"in seçmə mərhələsində növbəti oyununu keçirib. Fanat.Az xəbər verir ki, "ay-ulduzlular" Antalyada Kosovanı qəbul edib.
Oyun Türkiyənin 2:0 hesablı qələbəsi ilə yekunlaşıb. Hesabı 51-ci dəqiqədə Burak Yılmaz açıb. 4 dəqiqə sonra isə onun ötürməsini Volkan Şen qola çevirib.
Bu Türkiyənin qrupdakı ilk qələbəsi olub. Bundan əvvəl keçirdiyi 3 oyunda 2 xal qazanan "ay-ulduzlular" 5 xalla turnir cədvəlinin 4-cü pilləsində qərarlaşıb.
Qeyd edək ki, Fatih Terim yenidən yığmaya dəvət etdiyi Arda Turan, Səlcuk İnan, Burak Yılmaz və Gökhan Gönülü start heyətində meydana buraxaraq 90 dəqiqə oynadıb. Burak 1 qol vurub və 1 qol ötürməsi veribsə, Arda yenidən kapitan sarğısını daşıyıb.
Fanat.Az