Türkiyə Super Liqasında XXIV turun üç matçı keçirilib. ONA-nın məlumatına görə, “Bursaspor” “Sivasspor”a 3:2 hesabı ilə qalib gəlib.
Mükafatlara iddialı olan “Beşiktaş” Kayseri səfərində büdrəyib. “Kayserispor” rəqibindən bir xal almağı bacarıb – 2:2.
Ən uğursuz mövsümlərindən birini keçirən “Fənərbaxça” isə “Rizəspor”u qəbul edib. Qonaqlar hesabı açsalar da, İstanbul klubu 3:2 hesablı əzmkar qələbə qazanmağa müvəffəq olub.
Qeyd edək ki, dünən bir qarşılaşma ilə start götürən turun digər qarşılaşmaları martın 3-4-də keçiriləcək.
Türkiyə Super Liqası
XXIV tur
2 mart
“Bursaspor” – “Sivasspor” – 3:2
Şehu, 19, Saivet, 62, Kara, 90 – Kılınc, 6, Ndinqa, 89
“Kayserispor” – “Beşiktaş” – 2:2
Kravets, 58, Turuc, 62 – Hatçinson, 38, Erkin, 90
“Fənərbaxça” – “Rizəspor” – 3:2
Əziz, 22, Soldado, 40, Mozes, 84 (pen.) – Melnyak, 4, 55
