Milli Hidrometeorologiya Xidmətinin rəsmi saytında dərc olunan məlumata görə, iyulun 23-də cənub-şərq küləyi əsəcək.
Metbuat.az xəbər verir ki, dəniz suyunun temperaturu şimal çimərliklərində (Sumqayıt, Novxanı, Pirşağı, Nardaran, Bilgəh, Zaqulba) 25-26, cənub çimərliklərində (Türkan, Hövsan, Sahil, Şıx) isə 26-27 dərəcə isti olacaq”, - məlumatda qeyd olunub.
Milli Hidrometeorologiya Xidmətinin məlumatına görə, iyulun 23-də ölkə ərazisində havanın temperaturu 39 dərəcəyədək yüksələcək.
Həftəsonu isə Bakıda və Abşeron yarımadasında iyulun 25-26-da havanın maksimal temperaturunun 35-38, bəzi ərazilərdə isə 40 dərəcəyə yaxın olacağı gözlənilir.
Azərbaycanın bəzi rayonlarında iyulun 25-29-da havanın maksimal temperaturunun 35-40, Mərkəzi Aran və Naxçıvan Muxtar Respublikasının bəzi yerlərində isə 41 dərəcəyədək yüksələcəyi gözlənilir.
Təhlükəsiz günəşlənmə üçün səhər saat 10:00-a qədər və axşam saat 17:00-dan sonra açıq havada olmaq daha məqsədəuyğundur. Günəş altında qalma müddəti tədricən artırılmalı, kölgədə dincəlməli və qoruyucu vasitələrdən istifadə edilməlidir.
Xüsusilə açıq havada uzun müddət günəş altında qalmaq orqanizmin həddindən artıq qızmasına səbəb ola bilər. Mütəxəssislər bildirirlər ki, günvurmanın qarşısını almaq üçün sadə qaydalara əməl etmək və ilk əlamətləri vaxtında tanımaq böyük əhəmiyyət daşıyır.
Günvurma günəş şüalarının ən güclü olduğu saatlarda - təxminən 11:00-dan 17:00-dək müşahidə olunur. Bu vaxtlarda açıq havada uzun müddət qalmaq xüsusilə təhlükəlidir.
Huşun itməsi, qıcolma, bədən temperaturunun 40°C və daha yüksək olması, güclü nəfəs darlığı, sinə ağrısı, qusmanın davam etməsi və ya vəziyyətin qısa müddətdə yaxşılaşmaması hallarında təcili tibbi yardım çağırılmalıdır.