Bu gün Türkiyə Super Liqasında XXV turun dörd matçı baş tutub. ONA-nın məlumatına görə, turnir cədvəlinin üst sıralarında qərarlaşan “Beşiktaş”la “Konyaspor” İstanbulda qarşılaşıb.
Beş qolun vurulduğu görüşdə meydan sahibləri 3:2 hesablı qələbə qazanıb. “Ərzurumspor”u qəbul edən “Alanyaspor” 2:1 hesabı ilə qalib gəlib.
“Rizəspor” isə böyükhesablı qələbəyə sevinib. “Kayserispor” Rizədə üç cavabsız qol buraxıb. Günün yeganə heç-heçəsi İzmirdə gerçəkləşib. “Göztəpə” “Kasımpaşa” ilə qolsuz sülh bağlayıb.
Qeyd edək ki, tura sabah baş tutacaq “Qalatasaray” – “Antalyaspor” qarşılaşması ilə yekun vurulacaq.
Türkiyə Super Liqası
XXV tur
10 mart
“Alanyaspor” – “Ərzurumspor” – 2:1
Sisse, 45, Velinton, 59 (pen.) – Sunu, 77 (pen.)
“Rizəspor” – “Kayserispor” – 3:0
Muriqi, 22, 66 (pen.), Samudio, 56
“Göztəpə” – “Kasımpaşa” – 0:0
“Beşiktaş” – “Konyaspor” – 3:2
Lyayiç, 14, Yılmaz, 34, Kaqava, 90+3 – Sahiner, 20, Fofana, 76
