Beynəlxalq Muğam Mərkəzi "Muğam... Nəsillərdən nəsillərə" adlı yeni layihəni təqdim edir.
Milli.Az xəbər verir ki, layihənin ilk buraxılışı 30 yanvar saat 19:00-da reallaşacaq. Həmin gün Əməkdar artist Firuz Səxavət, Əməkdar incəsənət xadimi aşıq Ədalət Dəlidağlı ilə eyni səhnəni gənc xanəndə Malik Həsənov bölüşəcək.
Layihə gənc ifaçılara dəstək məqsədi daşıyır. Gələcəkdə layihə təkcə solo deyil ifaçılıq sənətinin müxtəlif sahələrini əhatə edərək bir-birindən maraqlı buraxılışlarla musiqisevərlərin görüşünə gələcək.
Milli.Az
