Mürəkkəb yaraları sağaltmaq üçün “ağıllı” sarğı hazırlanıb

Mürəkkəb yaraları sağaltmaq üçün “ağıllı” sarğı hazırlanıb
16:35 17 Fevral 2020
Ölkə mətbuatı
A- A+

Konnektikut Universitetinin alimləri dərmanların birbaşa yaraya çatdırılması üçün simsiz işləyən "ağıllı" sarğı hazırlayıblar. Sarğı simsiz qoşulma üzrə idarə olunan miniatür iynələrlə təchiz edilib. Dərmanların dozasını tənzimləmək mümkündür. Bu texnologiya xroniki və pis sağalan yaraları olan minlərlə insanın həyatını asanlaşdırmağa kömək edəcək.

 

"ICTnews" Elektron Xəbər Xidməti "hightech.plus" saytına istinadən yazır ki, miniatür iynələr minimal invazivliyə malikdir, buna görə dərmanın tətbiqi ağrıya səbəb olmur.

 

Qurğu diabet xəstəliyi olan siçanlar üzərində sınaqdan keçirilib. "Ağıllı" sarğı sayəsində siçanlarda yaraların tam sağalması müşahidə edilib.

 

"Bu, mürəkkəb yaraların sağalması üçün "ağıllı" daşınan qurğuların hazırlanması istiqamətində vacib addımdır" – hazırlamanın müəllifi Ali Tamayol deyib. Bundan başqa, alim əlavə edib ki, sarğını tez-tez dəyişdirməyə ehtiyac yoxdur.

 

Emil Hüseynov


Xəbərin orijinal ünvanı: http://ictnews.az/read-66470-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR