“Apple” şirkətinin öz noutbuklarının avtonom işləmə müddətini uzatmaq üçün yeni funksiya əlavə edəcəyi məlum olub. “Battery Health Management” adlı yeni funksiya “macOS Catalina 10.15.5” əməliyyat sisteminin çıxarılmasından sonra əlçatan olacaq.
“ICTnews” Elektron Xəbər Xidməti “ferra.ru” saytına istinadən yazır ki, bundan başqa, yeni funksiya artıq “macOS Catalina 10.15.5” sisteminin ikinci beta-versiyasında reallaşdırılıb, lakin hazırda yalnız tərtibatçılar ondan istifadə etmək imkanına malikdirlər. Adi istifadəçilər üçün sözügedən funksiya “macOS Catalina 10.15.5” sisteminin çıxarılmasından sonra əlçatan olacaq.
Məlumdur ki, “Battery Health Management” funksiyası akkumulyatorların sıradan çıxma sürətini azaltmaqla şirkətin noutbuklarının avtonom işləmə müddətini artırmağa imkan verəcək.
Emil Hüseynov
