Batareyaların təkrar istifadə üçün emalının unikal üsulu hazırlanıb

Batareyaların təkrar istifadə üçün emalının unikal üsulu hazırlanıb
14:35 23 Aprel 2020
Ölkə mətbuatı
A- A+

ABŞ-ın Perdyu Universitetinin alimləri yeni akkumulyatorların istehsalı üçün köhnə batareya elementlərinin sürətli emalı texnologiyasını hazırlayıblar. Mikrodalğalardan istifadəyə əsaslanan texnologiya bərpa olunan enerjini ətraf mühitə daha az ziyan vurmaqla saxlamağa və çevirməyə imkan verir.

 

“ICTnews” Elektron Xəbər Xidməti “4pda.ru” saytına istinadən yazır ki, “Purdue” adlandırılmış texnologiya müasir litium-ion batareyalarının tərkibinə daxil olan polietilen tereftalatın emalını nəzərdə tutur. Bunun üçün material çox sürətli mikrodalğalı şüanın təsirinə məruz qalır.

 

Perdyu Universitetinin kimya mühəndisliyi kafedrasının dosenti Vilas Pol deyib ki, onların metodu bəşəriyyətin bərpa olunan enerjinin çevrilməsinə və saxlanmasına artan ehtiyaclarının öhdəsindən gəlməyə kömək edir və enerji resurslarının məhdudluğu problemini həll edir.

 

Emil Hüseynov


Xəbərin orijinal ünvanı: http://ictnews.az/read-68114-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR