Media subyekti sayılmaq üçün Media Reyestrindən keçmək lazımdır.
Metbuat.az-ın məlumatına görə, bunu Medianın İnkişafı Agentliyinin İcraçı direktoru Əhməd İsmayılov Agentliyinin 2022-ci ilin yekunlarına dair hesabat konfransında deyib.
O bildirib ki, reyestrdən keçməyən media subyektlərinə güzəşt tətbiq edilməyəcək: "Biz Agentlik olaraq verilən 6 ay bitdikdən sonra həmin media subyektlərinə fərdi olaraq hər hansı sanksiya tətbiq edə bilmərik. Bu halda "Media haqqında" qanunun tələblərinə uyğun olaraq məhkəmədə iddia qaldıra bilərik. Bundan başqa Media Reyestrində olmayan subyektlərə güzəştlər tətbiq olunmayacaq. Media subyektinin fəaliyyəti isə məhkəmənin qərarından asılı olacaq", - deyə o qeyd edib.
