Rəşad Məcid jurnalistin seçkini işıqlandırmalarının vəziyyətini müşahidə edib.
Metbuat.az xəbər verir ki, Azərbaycan Mətbuat Şurasının sədri Rəşad Məcid 35 saylı Xətai Üçüncü Seçki Dairəsinin 7 saylı məntəqəsində səs verib. Şura sədri, həmçinin, 35 saylı Xətai Üçüncü Seçki Dairəsinin 5, 6, 7, 9, 10 və 32 saylı məntəqələrində seçki prosesini işıqlandıran jurnalistlərə yaradılmış şəraitlə tanış olub.
R.Məcid sözügedən məntəqələrdə media təmsilçilərinin 7 fevral Prezident seçkilərini işıqlandırmaları ilə bağlı heç bir problemin qeydə alınmadığını bildirib. O, jurnalistlərin sərbəst şəkildə peşə fəaliyyətlərini yerinə yetirdiklərini vurğulayıb. Habelə, mediaya hər cür şəraitin yaradıldığını müşahidə edib.
