Hinduizmdəki bayramların sayı tanrıların və tanrıcıqların sayından geri qalmır.
Tamillərin ən böyük, ən mühüm dini bayramlarından biri də "Taypusam"dır.
Milli.Az Daily Mail-ə istinadən bildirir ki, bu bayram tay ayına təsadüf edir və "Surapadman" adlı şər məxluqun öldürülməsi üçün sehirli nizənin savaş tanrısı Muruqana verilməsinə həsr olunub.
"Taypusam" bayramı Hindistanın Tamil-Nadu ştatı ilə bahəm, Malayziyada da təntənə ilə qeyd olunur.
Malayziyanın paytaxtı Kuala-Lumpurda hər il olduğu kimi, bu dəfə də on minlərlə tamil Şri Maha Mariamman məbədindən tamillər üçün müqəddəs Batu mağaralarına yürüş ediblər.
Mağaraya yönələn tamillərin hər biri 272 pilləni qalxmalıdır.
Milli.Az
