“Tacı özün başına qoya bilməzsən, bunu başqası etməlidir. Böyük sənəkarla zarafat etmək olmaz”.

Axşam.az-ın məlumatına görə, bu sözləri əməkdar artist Cavanşir Məmmədov “ATV maqazin onlarla” verilişinə açıqlamasında deyib.

Müğənni bildirib ki, mərhum xalq artisti İlhamə Quliyeva ona “İmperator” adı verərkən, sinəsinə medalyon da taxıb.

C.Məmmədov özünə titul verənlərə xəbərdarlıq edib:

“Səməd Səmədovun başına Mirzə Babayev, Manaf Ağayevin başına isə başqa birisi tac qoydu. İndi hamı öz başına tac qoyur, belə olmaz. İlhamə Quliyeva yoxdur deyə, söz-söhbətlər əmələ gəlib. Amma bilsinlər ki, o yoxdursa, “İmperator” var. Bu adı mənə İlhamə xanım elə-belə verməyib. Ad günümdə sinəmə medalyonu taxıb, titulu təsdiqləyib”.