Dünyanın sabaha necə çıxacağı çox şübhəlidir. Tramp da
prezident olandan sonra, daha hansı gələcəkdən danışmaq olar. Bizdə
Hafiz Hacıyevin, ruslarda Jrinoviskinin olduğu kimi, amerikalılarda
da Tramp var imiş. Bu, seçkiöncəki kampaniyada kəşf olundu. Yeganə
fərq Trampın pulunun çox olmasıdır. Amma hər şeyə rəğmən, bu “dəli
oğlan” dünyanın ən güclü ölkəsinin prezidenti seçildi.
Donald Tramp ABŞ-ın prezidenti seçildi - CANLI
Donald Tramp ABŞ prezidenti seçkilərində liderliyi yenidən ələ alıb
Əslində, yuxarıdakı sözlər bizim yox, oxucuların fikirləridir.
Noyabrın 9-na keçən gecə seçkinin nəticələri açıqlanan kimi, sosial
şəbəkələri Trampın fotoları bəzəmişdi. Elə dünya mediasının manşeti
də fərqli deyildi. Kimisinin dəli, kimisinin özünü dəliliyə vuran
ağıllı, kimisinin populist, kimisinin də xilaskar kimi təqdim Tramp
dünyaya “ağalıq” edəcək. Əgər onu Ağ Evdən qovmasalar...
Prezident Klinton olacaq, Trampı Ağ Evdən qovacaqlar – ÜÇ SSENARİ
ABŞ-da tarixi sürprizə imza ataraq, seçkini qazanan Donald Trampa prezident postunda əyləşmək nəsib olmaya bilər.
Daha bunu amerikalılar düşünsün. Bizim işimiz xəbər hazırlamaqdır
ki, bunu da edirik. Oxucularımız isə öz istəklərinə uyğun həftənin
trendini formalaşdırır. Bu həftənin trendi də elə Tramp oldu.
“İrqçi atanın prezident oğlu”. Bundan sonra
qızılsaçlını belə çağıracaqlar yəqin.
İrqçi atanın müsəlmanları sevməyən namizəd oğlu - MİLYONÇU
Amerikanın əmlak kralı bu gün dünyanın ən böyük iqtisadi gücünə sahib olan ölkədə prezidentliyə namizəddir.
Onun vaxtilə Bakıda olmuş qızı da artıq Hollivud ulduzlarından daha
məşhur olacaq.
Donald Trampın qızı Bakıda - FOTOLAR
Gələcək prezidentin qızı paytaxtımızda fotolar da çəkdirib.
Bunu da amerikalıların özləri bilər. Dünyada doğrudan da
qəribəliklər çoxdur. Adamlar seçkidə səs verib Trampı seçirlər,
indi də başlayıblar etiraz etməyə.
Amerikada üsyan – FOTO/VİDEO
Donald Trampın prezident seçilməsindən sonra ABŞ-da etiraz aksiyaları getdikcə yüksəlir.
Birləşmiş Ştatların bütün ərazisini etiraz dalğası bürüyüb. Amma
yenə də insanın ürəyi ağrıyır. Axı ağ amerikalı nə bilsin “rəngli
inqilab” nədir, aksiya necə olur. İndiyə qədər bütün bunları yalnız
televizordan görüblər, bir də öz ölkələrinin siyasətçilərindən
eşidiblər. Adamın ürəyi həm də ona görə ağrıyır ki, bu, hələ
başlanğıcdır. O mehriban, sevimli, dünyanı təsbeh eləyib barmağında
çevirən ölkənin vətəndaşlarını daha dəhşətli günlər gözləyir. Bunu
da biz demirik. Vanqa nənə deyir.
Vanqadan Obamadan sonrakı ABŞ haqqında ŞOK PROQNOZ
Ötən əsrin ortalarında bəşəriyyətin taleyi ilə bağlı səsləndirdiyi bir çox proqnozları doğru çıxan məşhur görücü Vanqa 2016-cı ildən sonra dünyanın siyasi mənzərəsinin dəyişəcəyini də ehtimal edib.
“Amerikanın 44-cü rəhbəri zənci olacaq. Zənci liderdən
sonra ölkə böyük iqtisadi böhranla üzləşəcək. Dünyaya sülh yox,
fəlakət gələcək”.
Kor nənə ad çəkməsə də, söhbətin 44-cü prezident Obamadan getdiyi
dəqiqdir. 2017-ci ilin yanvar ayında o, Ağ Evdəki hər şeyi,
tualetdən tutmuş, yataq otağına qədər bütün ərazini Trampa təhvil
verməlidir. Dünyanı öz rənginə boyayan 44-cü prezidentdən sonra
gözlənilən dəhşətlər qorxuludur.
Görünür, amerikalılar səhv etdiklərini anlayıblar, elə etirazların
səbəbi də budur. Amma kim səhv etmir ki?! Özünü dahi siyasətçi
hesab edən Əli Kərimli səhv edən yerdə, okeanın o başındakı sadə
amerikalı nə karədir ki?!
Tramp biabırçı səhvi Əli Kərimliyə bağışlamayacaq - FOTOFAKT
AXCP sədri Əli Kərimli ABŞ-ın yeni prezidenti Donald Trampa göndərdiyi təbrik məktubunda özünü biabır edib.
Deməli, Əli Kərimli xanım Klintonun prezident seçiləcəyindən o
qədər əmin imiş ki, bir neçə gün əvvəldən ingilis dilində təbrik
məktubu hazırlatdırıb. (özü ingilis dilini bilmədiyi üçün
başqasının yazdığı məlumdur). Lakin gecənin bir yarısı nəticələr
dəyişib və Tramp seçilib. Əli Kərimli də məktubun əvvəlində
Klintonun adının yerinə Trampın adını yazıb, içəridə yazılanlara
isə baxmadan göndərib Vaşinqtona. Deyilənlərə görə, Tramp Əli
Kərimlini axtarır. Ona görə yox ki, məktubu səhv göndərib. Əsas
məsələ məktubun içində “sizin əriniz ABŞ-a yaxşı rəhbərlik etdi”
sözləridir. (Məktub Klintona ünvanlandığı üçün Əli Kərimli Bill
Klintonu nəzərdə tutub-red). Son məlumatlara görə, Trampın ailəsinə
qan-qaraçılıq düşüb, arvadı tələb edir ki, sən məndən başqa kiminlə
yaşayırsan. “Mənim ərim sənsən, sənin ərin
kimdir?”, deyə Malenia Ağ Evin yeni prezidentini evə
buraxmır.
Amma çətin ki, yeni prezident Əli Kərimlini tapsın. Təkcə ona görə
yox ki, Əli Kərimlini illərdir heç öz partiya üzvləri tapa bilmir.
Həm də bu gecədən sonra nəinki Əli Kərimlinin, ümumiyyətlə,
dünyanın axırının necə olacağı müəmmalıdır.
“Dünyanın sabaha necə çıxacağı çox şübhəlidir”
sözlərini elə belə yazmamışıq.
Belə ki, Nəsrəddin Tusi adına Şamaxı Astrofizika Rəsədxanasının
məlumatına görə, noyabrın 14-də Ay son 68 ildə ilk dəfə
Yerə bu qədər yaxın məsafədə olacaq.
Noyabrın 13-ü axşama hazır olun! 68 il sonra...
Bu qabarma əvvəlkilərdən daha böyük olacaq, dalğanın hündürlüyü 16 metrdən çox olacaq.
Rəsədxana “hər şey qaydasındadır, qorxmayın”
deyir. Amma necə qorxmayasan. Artıq oxuculardan çoxsaylı
müraciətlər daxil olur ki, bu gecə, yəni 12-dən 13-nə keçən gecə
çox şey dəyişəcək, dünya xəstə yatağındadır, sabaha çıxmaya bilər.
Hətta biri göz yaşları içində yazıb ki, Dünyanın son istəyi müğənni
Xatirəni görməkdir.
Xatirənin transparan geyimi sosial şəbəkəni ayağa qaldırdı – FOTOLAR
Müğənni Xatirə İslam geyimi ilə sosial şəbəkəni bir-birinə vurub.
“Xatirə də elə bilir onu toya çağırır, deyir, pulsuz gələ
bilməz. Qərara almışıq ki, Xatirənin internetdən çıxartdığımız
fotolarından birini Dünyanın sinəsi üstünə qoyaq, can verərkən,
gözləri bu dünyada qalmasın”.
Bunu göz yaşlarını tuta bilməyən oxucularımızdan biri yazıb...
... Siz bir şey başa düşdünüzmü? Mən də anlamadım. Sonradan
dəqiqləşdirdim ki, Dünya həmin oxucunun qonşuluğunda yaşayan 93
yaşlı nənə imiş. Hər kəsin Dünyaxanım dediyi nənə bu gün-sabah o
biri adaşının yanına getməyə hazırlaşır, son arzusu da bircə Xatirə
ilə görüşməkdir. Dünyanın işinə bax da....
Siz bir də dünyanın bu biri işinə baxın. Bir qız var, dünyanın ən
gəzəyəni adını çıxarıb.
Dünyanın ən gəzəyən qadını - FOTOLAR
İşini-gücünü buraxıb, gəzməklə məşğuldur. Daha nə deyə bilərik,
ölmədik, bu günü də gördük.
Rusiya Ermənistana "Qarabağı qaytar" mesajını verdi.
Rusiyadan İrəvana təcili Qarabağ MESAJI
Azərbaycan Ordusunun irimiqyaslı hərbi təlimlərə başlaması Ermənistanda ciddi qorxulara səbəb olub.
Azərbaycanda isə bir qadın bibisi qızı ilə ərinin birgə fotolarını
internetdə paylaşdı.
Azərbaycanda ŞOK: Qadın bibisi qızı ilə ərinin xəyanət görüntülərini yaydı - FOTO
Azərbaycanlı qadın “Facebook” da ərini və qadın qohumunu biabır edib.
Dünyanın işi çox qəribədir, bu, elə iki xəbər arasındakı fərqdə də
özünü göstərir.
Ehtiyatlı olun, dünyaya etibar yoxdur. Bir də gördün sabah o biri
tərəfdəsən.
Trampın dəli elədiyi dünyadan nə gözləyəsən daha.
Trampın Amerikası ekstrasenslərin gözündə: “Bir gecə hamı yuxuda ikən...”
Prezidentliyə digər namizəd Hillari Klinton seçkinin nəticələrini tanısa da, ABŞ əhalisinin bir hissəsi bunu qəbul etmir.
Nəriman
Xəbərin orijinal ünvanı: http://publika.az/news/qirmizi/175702.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)