Nizami Kino Mərkəzində “Türk Filimləri Həftəsi-Bakı”nın açılış mərasimi keçirilib.
Axşam.az-ın məlumatına görə, tədbirdə türkiyəli aktyorlar Meral Konrat, Sarp Levendoğlu, Emre Kızılırmak qonaq olub.
Meral Konrat media nümayəndələrinin suallarını cavablandırıb. O bildirib ki, yenidən Azərbaycana gəlməkdən qürur duyur:
“Hər zaman deyirəm ki, mənim ikinci vətənim Azərbaycandır. Ona görə də buranı çox sevirəm. Türk filmləri həftəsi olduğu üçün də dəvəti qəbul etdim. Aktyor dostum Sarpın da filmi nümayiş olunacaq. Eyni zamanda da ona dəstək olmaq üçün buradayım".
Gecənin qonaqları arasında millət vəkili Qənirə Paşayeva, şair Sabir Rüstəmxanlı və xanımı Tənzilə Rüstəmxanlı, xalq artisti Azərin, əməkdar artist Mehriban Zəki, eləcə də Türkiyə səfirliyinin nümayəndələri iştirak edib.
Tədbirin rəsmi hisssindən sonra “Kalandar Soğuğu” bədii filmi nümayiş olunub.
Foto: Ramin ASLANOV