Müğənni Günay İbrahimlinin "Rəqibim yoxdur" sözü qalmaqala səbəb olub.
Milli.Az-ın axşam.az-a istinadən məlumatına görə, ifaçılar "Xəzər maqazin"ə açıqlamasında sənətçinin bu ifadəsini qınayıblarlar.
Gülay Zeynallı:
"Şövkət Ələkbərova, Zeynəb Xanlarova özünə nə ad qoysun? Elə ifaçı yoxdur ki, ona qulaq asanda ağzım açıq qalsın. Heç vaxt düşünmürəm ki, kimsə mənə rəqibdir, ya yox".
Elçin Cəfərov:
"Bir-birinə rəqib olanlar var. Heç kimdə başqasının adını çəkmir. Deyərdim ki, sakit dursun. İşləyən müğənnilər arasında mən də varam. Bəlkə kiməsə mən də rəqibəm".
Ramal İsrafilov:
"Burada rəqibim yoxdur, hamısı xaricdədir. Burada hamı eynidir, mahnılarda bənzərdir. Mənim rəqibim Castin Biberdir. İlhamə xanım demişkən, özün özünü tərifləməsən, heç kim səni tərifləməz. Mən ulduzam".
Əbdül Xalid:
"Mənim o mənada rəqibim yoxdur ki, səsim gələndə fikirləşmirlər bu kimdir".
Nurlan Növrəsli:
"Hər bir insanın rəqibi var. Heç kim əlçatmaz deyil. Gərək sən o qədər fərqli vokolçı olasan ki, sənə rəqib olmaya. Hər aşiqin öz dövranı var".
Əhməd Mustafayev:
"Özünə quru-quru "ulduzam" demək olmaz. Ona əməl etməlisən. Özünə rəqib görməlisən, yoxsa yerində qalacaqsan".
Milli.Az
