Havalar isindikcə yağlı yeməklərdən uzaq durmaq lazımdır. Kartofla hazırlayacağınız bu xəfif qəlyanaltı isti yay günlərində seçiminiz ola bilər.
Metbuat.az kartof toplarının hazırlanma qaydasını təqdim edir.
Tərkibi:
6 ədəd kartof
1 qaşıq kərə yağı
1 stəkan sürtgəcdən keçirilmiş kaşar pendiri
Yarım stəkan zeytun yağı
Duz, qara istiot
Limon
Üzəri üçün:
Pul bibər
Çörək otu
Susam
Cəfəri
Yerkökü
Hazırlanması :
Qaynadılmış kartofu süzüb əzin. Düz, qara istiot, limon, zeytun yağı, kərə yağı və kaşar pendiri əlavə edib qarışdırın. Yerkökünü sürtgəcdən keçirin, cəfərini incə-incə doğrayın. Üzərini bəzəyəcəyiniz məhsulların hər birini fərqli qablara yığın. Kartof püresindən qoz böyüklüyündə parçalar götürün, qablara ayırdığınız məhsullarla üzərini bəzəyin.
Nuş olsun!
Aysel Yaqubqızı / Metbuat.az
Şuşa mətbəxindən kələm dolması resepti -İFTARA ÖZƏL - Oxumaq üçün tıklayın |
