2018-ci ildə hüquqi şəxslərin 70 faizi elektron qeydiyyatdan keçib.
Milli.Az Trend-ə istinadən xəbər verir ki, bunu vergilər nazirinin müavini İlkin Vəliyev "Dövlət-Biznes Dialoqu Platforması və Biznes mühiti və beynəlxalq reytinqlər üzrə Komissiya"nın yeni internet portalını təqdimatı zamanı deyib.
O qeyd edib ki, "bir pəncərə" prinsipinə keçid biznesin qeydiyyatı prosedurunu əhəmiyyətli dərəcədə sadələşdirib.
Nazir müavini əlavə edib ki, vergi qanunvericiliyinə dəyişikliklərin edilməsi prosesində əmək müqavilələrinin qeydiyyatı da sadələşdirilib:
"Sahibkarı maraqlandıran hər bir məlumat onlayn rejimində heç bir maliyyə xərci tələb olunmadan təklif olunacaq. Vergilər Nazirliyində rəsmi qurumlarla ünsiyyəti tamamilə aradan qaldıran məlumat bazası formalaşdırılıb".
Milli.Az
