"ATƏT üzvü olan ölkələrdəki münaqişələrdə tərəflər arasında konstruktiv dialoq davam etdirilməli, etimad tədbirləri daha da artırılmalıdır".
“Report” xəbər verir ki, bunu ATƏT-in Xarici İşlər Nazirləri Şurasının Bratislavada keçirilən iclasında Finlandiya Xarici İşlər Nazirliyinin Dövlət katibi Matti Anttonen bildirib.
“Biz ATƏT ölkələrindəki mövcud problemlərin, o cümlədən Dağlıq Qarabağ münaqişəsinin həllinə doğru daha çox yol getməli, səy göstərməliyik. Bunlar ATƏT-in əsas mandatıdır”, - finlandiyalı nazir vurğulayıb.
O, münaqişə tərəfləri arasında konstruktiv dialoqun və etimad tədbirlərinin mövcud həqiqətlər və təhlükələr nəzərə alınmaqla həyata keçirilməsinin vacibliyinə diqqət çəkib.