Azərbaycan XİN başçısı Finlandiya xarici işlər nazirinin müavini ilə görüşüb

Azərbaycan XİN başçısı Finlandiya xarici işlər nazirinin müavini ilə görüşüb
18:52 5 Dekabr 2019
67 Digər
Ölkə mətbuatı
A- A+

Azərbaycan Xarici İşlər naziri Elmar Məmmədyarov Finlandiyanın xarici işlər nazirinin müavini Matti Anttonen ilə görüşüb.
XİN-dən "Report"a verilən məlumata görə, görüş Slovakiyanın Bratislava şəhərində keçirilən ATƏT-in Nazirlər Şurasının 26-cı görüşü çərçivəsində baş tutub. 
Görüşdə tərəflər iki ölkə arasında mövcud olan ikitərəfli münasibətlərin hazırkı durumu haqqında fikir mübadiləsi aparıblar. Tərəflər ölkələr arasında siyasi, iqtisadi, ticarət, mədəni-humanitar və digər sahələrdə əməkdaşlığın daha da inkişaf etdirilməsinin vacibliyini ifadə ediblər.
Tərəflər həmçinin Ermənistan-Azərbaycan Dağlıq Qarabağ münaqişəsinin həlli istiqamətində aparılan danışıqların hazırkı vəziyyəti, o cümlədən iki ölkə nazirinin Bratislavada keçirilən görüşü ilə bağlı müzakirələr aparıblar.
Daha sonra tərəflər arasında qarşılıqlı maraq doğuran digər məsələlər, o cümlədən regional və beynəlxalq təhlükəsizlik məsələləri ilə bağlı fikir mübadiləsi aparılıb.


Xəbərin orijinal ünvanı: https://report.az/xarici-siyaset/azerbaycan-xi-n-bascisi-finlandiya-xarici-isler-nazirinin-muavini-ile-gorusub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR