Prezident Administrasiyası: Azərbaycanda İslam fundamentalizmi təhlükəsi yoxdur

Prezident Administrasiyası: Azərbaycanda İslam fundamentalizmi təhlükəsi yoxdur
13:43 17 Yanvar 2015
73 Sosial
Ölkə mətbuatı
A- A+

Azərbaycan, Bakı, 17 yanvar /Trend, müxbir Səba Ağayeva/

Azərbaycanda İslam fundamentalizmi təhlükəsi yoxdur. Trend-in məlumatına görə, bunu jurnalistlərə Azərbaycan Prezidenti Administrasiyası rəhbərinin müavini, PA-nın Xarici əlaqələr şöbəsinin müdiri Novruz Məmmədov deyib.

Onun sözlərinə görə, Azərbaycan xalqı da, onun rəhbərləri də, xüsusilə, Prezidenti bu məsələ ilə tanışdır və onu nəzarətində saxlayır: "Azərbaycanda İslam fundamentalizmi təhlükəsi kimlərinsə göstərdiyi və təsdiq etdiyi formada yoxdur və olmayacaq. Əlbəttə, bu məsələdə maraqlı olanlar var. Amma düşünürəm ki, cəmiyyətin bütün təbəqələri bunu heç zaman qəbul etməz".

N.Məmmədov qeyd edib ki, Azərbaycanın bununla bağlı kursu da aydındır: "Bizdə dini etiqad azaddır. Dini kim necə, hansı formada, çərçivədə seçirsə, ona itaət edirsə, bu hər kəsin hüququdur. Bu məsələdə heç bir problem yoxdur".

Məqalə müəllifi ilə əlaqə ünvanı: agency@trend.az

RƏYLƏR

BU KATEQORİYADAN DİGƏR XƏBƏRLƏR