Uşaqlara ot yedirdən şəxslərlə bağlı dövlət komitəsi HƏRƏKƏTƏ KEÇDİ

Uşaqlara ot yedirdən şəxslərlə bağlı dövlət komitəsi HƏRƏKƏTƏ KEÇDİ
17:43 13 Aprel 2020
187 Ölkə
Ölkə mətbuatı
A- A+

Ailə, Qadın və Uşaq Problemləri üzrə Dövlət Komitəsi son günlər uşaqlara qarşı alçaldıcı hərəkətlər edilərək və sosial şəbəkələrdə paylaşılması ilə bağlı yayılan məlumatlara münasibət bildirib.

Dövlət Komitəsindən Publika.az-a bildirilib ki, uşaq hüquqlarının qorunması dövlət siyasətinin prioritet istiqamətlərindəndir:

"Yayılan məlumatlar cəmiyyətdə böyük təəssüf və qəzəb hissi ilə qarşılanıb. Həmin faktla bağlı Ailə, Qadın və Uşaq Problemləri üzrə Dövlət Komitəsi tərəfindən aidiyyəti qurumlara müraciət edilib.

Faktın araşdırılması, günahkar şəxslərin ölkəmizin qanunlarına müvafiq qaydada cəzalandırılması istiqamətində ciddi addımların atılması barədə tələb olunub. Azərbaycanda uşaqlara diqqət və qayğı, onların yüksək səviyyədə tərbiyəsi, layiqli vətəndaş olaraq böyüməsi milli-mənəvi dəyərlərimizdə mühüm yer tutur. Azərbaycan Respublikasının Konstitusiyasında da vurğulandığı kimi uşaqların qayğısına qalmaq və onları tərbiyə etmək, ilk növbədə, valideynlərin borcudur.

Hər bir valideyn anlamalıdır ki, uşaqların mənəviyyatına xələl gətirən hərəkətlər onların bir vətəndaş olaraq tərbiyəsinə mənfi təsir göstərir. Azərbaycanın da qoşulduğu beynəlxalq konvensiyalardan biri olan BMT-nin “Uşaq hüquqları haqqında” Konvensiyası uşaqlardan sui-istifadə hallarını, onların mənəviyyatının alçaldılmasını qəti şəkildə yolverilməz hesab edir və dövlətimiz də hüquqi dövlət olaraq Konvensiyanın prinsiplərini üstün tutaraq bu hallarla ciddi mübarizə aparır.

Hazırda pandemiya ilə mübarizə şəraitində dövlətin həssas ailələrin yanında olaraq onların sosial vəziyyətinə mənfi təsirlərin azaldılması istiqamətində həyata keçirdiyi tədbirlərə rəğmən, bəzi vətəndaşların sosial məsuliyyətsizliyi, görülən işlərə kölgə salmaq mövqeyindən çıxış edərək cəmiyyətdə pozuculuq fəaliyyəti xalqımızın həmrəylik prinsiplərinə ziddir və hər bir vətəndaşı bu çətin günlərdə birgə olmağa, qarşılıqlı olaraq dövlətimizə və bir-birimizə dəstək olmağa səsləyirik".

Qeyd edək ki, sosial şəbəkələrdə uşaqları alçaldaraq alaq otlarını yeməyə məcbur edən görüntülər yayılıb.


Xəbərin orijinal ünvanı: https://publika.az/news/sosial/310642.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR