Tesla, 2025-ci ildə daha sərfəli elektrik avtomobil modellərini təqdim edəcək.
Metbuat.az xəbər verir ki, bu barədə şirkətin maliyyə hesabatında qeyd olunub. Hesabatda, 2025-ci ildə elektriklə işləyən sərfəli qiymətə avtomobil modellərinin istehsalına başlanacağı və bu vasitələrin eyni dövrdə bazara çıxarılacağı açıqlanıb. Bildirilib ki, Tesla yeni nəsil platformada hazırlanacaq bu avtomobillər üzərində işlərini davam etdirir. Lakin hesabatda yeni modellərin təfərrüatları açıqlanmayıb.
Məlumata görə, Tesla bu ilin əvvəlində elektriklə işləyən sərfəli avtomobillər təklif etmək istəyib. Lakin şirkət qarşılaşdığı böyük çətinliklərə görə qərarını təxirə salmalı olub. Tesla-nın bu yeni modelləri elektrikli avtomobil bazarında daha geniş auditoriyaya müraciət etməyi hədəfləyir.
