ANS PRESS-in məlumatına görə, ali qanunverici orqana 26 yeni deputat seçilib.
İlkin nəticələrə görə, Milli Məclisin yeni tərkibində qadınların sayı dəyişməyib. Bu dəfə də 20 xanım deputat parlamentdə təmsil olunacaq. 2010-cu ildə seçilən parlamentin tərkibində də xanım deputatların sayı eyni sayda olub.
Bu dəfə mandat qazanmayanlar Leyla Abdullayeva, Rəbiyyət Aslanova və Gülçöhrə Məmmədovadır. Gülər Əhmədova isə namizədliyini irəli sürməyib.
Növbəti 5 ildə Milli Məclisdə təmsil olunacaq qadın deputatlar:
6 saylı Culfa–Babək seçki dairəsi - Ülviyyə Həmzəyeva
14 saylı Xəzər seçki dairəsi - Mehriban Əliyeva
16 saylı Yasamal ikinci seçki dairəsi - Aytən Mustafayeva
21 saylı Nəsimi birinci seçki dairəsi - Məlahət İbrahimqızı
25 saylı Nizami ikinci seçki dairəsi - Sədaqət Vəliyeva
27 saylı Sabunçu ikinci seçki dairəsi - Dilarə Cəbrayılova
30 saylı Suraxanı birinci seçki dairəsi - Sevinc Fətəliyeva
37 saylı Nizami (Gəncə) birinci seçki dairəsi - Pərvin Kərimzadə
50 saylı Abşeron-Qobustan seçki dairəsi - Zeynəb Xanlarova
71 saylı Masallı kənd seçki dairəsi - Elmira Axundova
84 saylı Füzuli seçki dairəsi - Bahar Muradova
92 saylı Zərdab-Ucar seçki dairəsi - Jalə Əliyeva
93 saylı Bərdə şəhər seçki dairəsi - Gövhər Baxşəliyeva
98 saylı Şəmkir şəhər seçki dairəsi - Sahibə Qafarova
99 saylı Şəmkir kənd seçki dairəsi - Sona Əliyeva
103 saylı Gədəbəy seçki dairəsi - Sevinc Hüseynova
105 saylı Tovuz seçki dairəsi - Qənirə Paşayeva
111 saylı Zaqatala-Balakən seçki dairəsi - Kamilə Əliyeva
117 saylı Oğuz-Qəbələ seçki dairəsi - Aqiyə Naxçıvanlı
122 saylı Xankəndi seçki dairəsi - Flora Qasımova
125 qalib arasında ən cavan və ən yaşlı deputatın da adı açıqlanıb.
Milli Məclisə seçilən ən cavan deputat Yeni Azərbaycan Partiyasının (YAP) üzvü Şahin İsmayılovdur. 1986-ci il təvəllüdlü (29 yaş ) Şahin İsmayılov 81 saylı Beyləqan seçki dairəsinin seçicilərini növbəti 5 il müddətində parlamentdə təmsil edəcək.
Milli Məclisin ən qocaman deputatı isə xalq artisti, bitərəf Zeynəb Xanlarovadır. 1936-ci il təvəllüdlü (79 yaş) Zeynəb Xanlarova növbəti 5 il müddətinə 50 saylı Abşeron -Qobustan seçki dairəsindən deputat seçilib.
Milli Məclisin Daxili Nizamnaməsinə uyğun olaraq, parlamentin ilk iclasını ən qocaman deputat açır, yeni seçilən deputatların siyahısını oxuyur və sədr seçilənədək birinci iclası aparır. Beləliklə, Zeynəb Xanlarova V çağırış Milli Məclisin ilk iclasına sədrlik edəcək. Onun təklifi ilə Hesablayıcı Komissiya və bu barədə qərar qəbul edildikdən sonra sədr seçiləcək.
