Hökumət rəsmiləri "Günəşli" yatağına gedib

Hökumət rəsmiləri "Günəşli" yatağına gedib
16:22 7 Dekabr 2015
44 Sosial
Ölkə mətbuatı
A- A+

Bakı. 7 dekabr. REPORT.AZ/ SOCAR-ın prezidenti Rövnəq Abdullayev, fövqəladə hallar naziri general-polkovnik Kəmaləddin Heydərov, Dövlət Sərhəd Xidmətinin rəisi, Sərhəd Qoşunlarının komandanı general-polkovnik Elçin Quliyev bu gün "Günəşli" yatağındakı 10 saylı dərin dəniz özülündə baş verən qəza ilə əlaqədar hadisə yerində olublar. 
Nazirlikdən "Report"a verilən xəbərə görə, əraziyə baxış keçirən hökumət rəsmiləri baş verən yanğının söndürülməsi, itkin düşənlərin axtarışı işlərinin gedişi ilə yerində tanış olub.
Sonra SOCAR-ın prezidenti Rövnəq Abdullayev, fövqəladə hallar naziri Kəmaləddin Heydərov,  Dövlət Sərhəd Xidmətinin rəisi, Sərhəd Qoşunlarının komandanı general-polkovnik Elçin Quliyev hadisə zonasında yaradılan qərargahda birgə müşavirə keçirib, qəza-xilasetmə əməliyyatının gedişi ilə bağlı məsələləri müzakirə ediblər.


RƏYLƏR

BU KATEQORİYADAN DİGƏR XƏBƏRLƏR