YORUM
İranın üzərindən sanksiyaların götürülməsi dünyanın və regionun həm də geosiyasi mənzərəsinin dəyişməsi deməkdir. Bu addım İranın nüvə proqramının icrası üçün meydan açır. Və beləliklə, bölgədə Pakistan və İsraildən sonra İran nüvə silahına malik olan üçüncü dövlətə çevriləcək. Türkiyədə nüvə reaktorunun tikintisini də bura əlavə etsək, bu rəqəm artıq dörd ola bilər.
Ortaya çıxan sual isə budur - bu faktlar Yaxın Şərqdə güclərin balanslaşmasına, yoxsa əksinə, münasibətlərin daha da gərginləşməsinə və daha ciddi təhlükələrə gətirəcək? Bölgədə yaşanan indiki qarşıdurmaların fonunda sualın ikinci hissəsi tərəzinin gözündə daha ağır gəlir...
