Bakı. 26 sentyabr. REPORT.AZ/ Təhsil Nazirliyi əməkdar müəllimin işdən çıxarılması ilə bağlı məsələyə münasibət bildirib.
Nazirlikdən "Report"un sorğusuna cavab olaraq bildirib ki, Bakı şəhəri Nizami rayonunda yerləşən Kimya-bilogiya Təmayüllü Respublika liseyinin müəllim vəzifəsində işləyən respublikanın əməkdar müəllimi Həcər Sadıxova çalışmanın yaş həddinə çatdığına görə Əmək Məcəlləsinin 70-ci maddəsinin "e" bəndinə əsasən onunla bağlanmış əmək müqaviləsi ləğv edilib.
Qeyd edək ki, H.Sadıxovanın moderator.az saytında yer almış məktubunda heç bir qanuni əsas olmadan işdən çıxarıldığını bildirib. O, bu işdə məktəb rəhbərliyini günahlandırıb.
