Gəncə, 7 aprel, AZƏRTAC
7 aprel - Ümumdünya Sağlamlıq Günündə Gəncədə qanvermə aksiyası keçirilib. Aksiyada 200-dən çox şəhər sakini qana ehtiyacı olan xəstələrə yardım edib.
Mərkəzi Qan Bankının Gəncə bölməsindən AZƏRTAC-a verilən məlumata görə, hazırda şəhərdə 300-dən çox hemofiliyalı və talassemiyalı xəstə var. Belə aksiyaların keçirilməsi ilə həmin xəstələrin qana olan ehtiyacı qismən ödənilir.
