Metbuat.az Yenicag.az-a istinadən cazibədar model və aktrisa Ramina Abbasovanın müsahibəsini təqdim edir:
- Ramina haralardasan, dedilər birdəfəlik xaricə köçmüsən?
- Yox, yalandan xəbərlər yayıblar ki, Ramina Azərbaycandan köçüb. Məni istəməyənlər belə xəbərləri yayırlar. Azərbaycandayam və filmlərə çəkilirəm. "İkili həyat" filmində çəkildim. Sentyabrda Qala gecəsi keçiriləcək.
- Səni daha çox hansı film tanıtdı?
- Komediyalarla tanındım. "Bozbaş pictures"in filmləri ilə məşhurlaşdım.
- Sosial şəbəkədə çox aktivsən. Daha çox nə yazırlar sənə?
- Çox şeylər yazırlar, amma fikir vermirəm. Çünki mən xasiyyətcə davakar adam deyiləm və qalmaqal etməyi xoşlamıram.
- Geyimlərində və davranışında cəmiyyəti nəzərə alırsan?
- Qətiyyən. Mənim öz stilim və həyata baxışım var. Çox tənqid edirlər, amma artıq öyrəncəliyəm. Kim məni bəyənir, kim bəyənmir, bu, məni heç maraqlandırmır. Çünki hərənin öz fikri var.
- Komplimentlər çox olur?
- Həddən artıq. Yazırlar ki, qəşəng qızsan, "barbi"lərə oxşayırsan. Orta məktəb və universitetdə oxuyan qızlar da özlərini mənə oxşadır, mənim kimi bəzənirlər.
- Hansı kişi tiplərinə üstünlük verirsən: yaraşıqlı, xarizmatik, yoxsa mərd?
- Sözünün üstündə duran kişiləri. Hesab edirəm ki, əgər kişi bir sözü dedisə, əməl etməlidir.
- Bəs görünüş?
- İspan tipli oğlanları xoşlayıram. Enrike İqlesias, Mario Kasas kimi kişiləri xoşlayıram. Üzünə baxan kimi bilirsən ki, kişidir.
- Müasir oğlanlarda hansı xüsusiyyət səni qıcıqlandırır?
- Deyirlər əşşi, hər yer qızla doludur, bu gün bununla sevgili olum, sabah başqasıyla. Vaxt keçirməyi daha çox xoşlayırlar.
- Sənin də sevgilin elədir?
- Çoxdandır sevgilim yoxdur, təkəm, belə rahatam.
- Ən çəkilməz, "ifritə" xüsusiyyətin hansıdır?
- İfritə ona deyərəm ki, kişiləri əlində fırladır, kişi onun üçün hər şeyi edir.
- Qəlbini ovlamaq asandır?
- Bilmirəm.
- Karyeranı ailəyə dəyişərsən?
- Yox, belə öyrəşmişəm. Karyeramda nə istəyirəm, onu da edirəm. 26 yaşım var. Dəyişən deyiləm. Balaca uşaq deyiləm ki, fikrimi tez-tez dəyişim. Məni sevən belə qəbul etməlidir.
- Kiminsə məşuqəsi olarsan?
- Evli kişinin sevgilisi olmaram.
