Azərbaycan Xalq Cümhuriyyətinin qurucularından olan Məhəmməd Əmin Rəsulzadənin Novxanı kəndində oğurlanan barelyefinin yerinə yenisi qoyulub.
Metbuat.az xəbər verir ki, yeni löhvə Rəsulzadənin doğulub, boya-başa çatdığı evin qarşısında quraşdırılıb.
Qeyd edək ki, yanvarın 15-də baş verən cinayəti törətməkdə şübhəli bilinənlərdən 2 nəfəri saxlanılıb, digərlərinin tutulması istiqamətində tədbirlər davam etdirilir.
Araşdırma zamanı barelyefi oğurlayan şəxslərin onu hissələrə ayıraraq paytaxtın Binəqədi rayonu və Sumqayıt şəhərində yerləşən metal qəbulu məntəqələrinə satdıqları məlum olub.
