Bakı. 10 may. REPORT.AZ/ Əfqanıstanın cənubundakı Hilmənd əyalətində hayata keçirilən irimiqyaslı antiterror əməliyyatı zamanı təhlükəsizlik qüvvələri 128 ekstremisti məhv ediblər.
"Report" "Reuters"ə istinadən xəbər verir ki, bu barədə ölkənin Müdafiə Nazirliyinin rəsmi nümayəndəsi general Zahir Əzimi məlumat verib. Onun sözlərinə görə, daha 80 nəfər radikal hərəkat üzvü yaralanıb.
Güc strukturları bölmələri əyalətin 13 yaşayış məntəqəsini yaraqlılardan azad ediblər. Bu ərazidə bir neçə iri silah-sursat gizlədilən yerlər məhv edilib. Əfqanıstan ordusunun 6 hərbçisi əməliyyat zamanı həlak olub.
