Mərkəzi Seçki Komissiyasının (MSK) bu gün keçirilən iclasında dekabrın 23-də keçiriləcək bələdiyyə seçkiləri ilə əlaqədar Yeni Azərbaycan Partiyası (YAP) tərəfindən MSK-ya təyin edilmiş məşvərətçi səs hüquqlu üzvünün - Aydın Mirzəzadənin təsdiq edilməsi məsələsinə baxılıb.
“Report”un xəbərinə görə, iclasda məsələ müzakirəyə çıxarılaraq qəbul edilib.
Qeyd edək ki, Azərbaycanda bələdiyyə seçkiləri dekabrın 23-də keçiriləcək. Respublika üzrə 1606 bələdiyyəyə 15 min 156 üzv seçiləcək. Sonuncu bələdiyyə seçkisi 2014-cü il dekabrın 23-də keçirilib.
