Bu ilin yanvar-mart aylarında Azərbaycanda iqtisadi və sosial sahələrin inkişafı üçün bütün maliyyə mənbələrindən əsas kapitala 2,929 mlrd manat vəsait yönəldilib.
“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 6,5% çoxdur. 3 aylıq investisiya qoyuluşunun 1,487 mlrd manatı qeyri neft-qaz sektorunun payına düşüb. Bu isə 1 il əvvələ nisbətən 9,1% azdır.
Son 1 ildə qeyri neft-qaz sənayesinə investisiya qoyuluşu isə 11,3% azalaraq 205,2 milyon manata çatıb.