Ən böyük pianoçulardan biri hesab edilən tanınmış rumın musiqiçisi Radu Lupu 76 yaşında vəfat edib.
Metbuat.az "Musictimes.com" nəşrinə istinadla, xəbər verir ki, məlumatı onun meneceri Cenni Voqel təsdiqləyib. O bildirib ki, pianoçu evində vəfat edib.
Onun ölümünə səbəb isə uzun sürən xəstəliklər olduğu bildirilib.
Qeyd edək ki, 2019-cu ildə Lupu, sağlamlıq problemlərinə görə bir çox ictimai çıxışlardan rəsmi olaraq təqaüdə çıxıb. O, həmçinin 1990-cı illərin ortalarından bəri heç bir studiyada səs yazısı yazmayıb. Pianoçu həm də müsahibələrdən və mətbuat çıxışlarından yayınaraq diqqət mərkəzindən qaçan ictimai xadim kimi tanınırdı.
