Bakı, 28 yanvar, AzərTAc
Fevralın 2-4-də Rusiya Federasiyasının Şimali Osetiya–Alaniya Respublikasının hökumət başçısı Sergey Takoyevin rəhbərlik etdiyi nümayəndə heyətinin Bakıya səfəri gözlənilir.
AzərTAc xəbər verir ki, səfər çərçivəsində Azərbaycan Respublikası hökuməti ilə Şimali Osetiya–Alaniya Respublikası hökuməti arasında ticari-iqtisadi, elmi-texniki və mədəni əməkdaşlıq haqqında saziş imzalanacaq.
Nümayəndə heyətinə Şimali Osetiya–Alaniya Respublikasının bir sıra nazirliklərinin təmsilçiləri daxil olacaq.
