[ 04 Fevral 2015 16:05 ]
Bakı. Cavid Zeynallı – APA. Mədəniyyət və Turizm Nazirliyinin sifarişi ilə "Salnamə" sənədli filmlər studiyası və Sankt-Peterburqun "Lennauçfilm" kinostudiyası tərəfindən Hüseyn xan Naxçıvanski haqqında tammetrajlı sənədli film çəkilir.
Mədəniyyət və Turizm Nazirliyindən APA-ya verilən məlumata görə, Rusiya imperiyasında tam süvari qoşunları generalı, II Nikolayın general-adyutantı olan Hüseyn xan Naxçıvanskiyə həsr olunan ekran əsərinin çəkilişləri Naxçıvanda, Bakıda və Sankt-Peterburqda aparılır. Arxiv materiallarından geniş istifadə olunan filmin ssenari müəllifi və rejissoru Valentina Qurkalenkodur.
Nazirlikdən bildiriblər ki, film yaxın vaxtlarda tamaşaçılara təqdim olunacaq.
