[ 20 Fevral 2015 18:58 ]
Bakı. Aqşin Rafiqoğlu - APA-Economics. Gələn ay Bakıda Azərbaycan-Çexiya biznes forumu keçiriləcək.
Azərbaycanda İxracın və İnvestisiyaların Təşviqi Fondundan (Azpromo) “APA-Economics”ə verilən məlumata görə, forum martın 3-də Çexiyanın sənaye və ticarət naziri Yan Mladekinin rəhbərlik etdiyi nümayəndə heyətinin ölkəmizə səfəri çərçivəsində baş tutacaq.
Tədbir İqtisadiyyat və Sənaye Nazirliyinin dəstəyi və Azpromo-nun təşkilatçılığı ilə keçiriləcək. Biznes-forumda iqtisadiyyatın müxtəlif sahələrini təmsil edən 40-a yaxın Çexiya şirkətinin iştirakı nəzərdə tutulur. Tədbirdə iştirak etmək istəyən azərbaycanlı iş adamları və sahibkarlar Azpromo-ya müraciət edə bilərlər.
