Bakı. 12 oktyabr. REPORT.AZ/ Bu gün Bakı Ağır Cinayətlər Məhkəməsində soyğunçuluqda təqsirləndirilən Rəşad Məlikovun cinayət işi üzrə məhkəmənin hazırlıq iclası başlayıb.
"Report"un məlumatına görə, hakim Rahib Salmanovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. Məhkəmənin baxış iclası oktyabrın 21-nə təyin edilib.
Qeyd edək ki, bu ilin iyun ayında R.Məlikov Nəsimi rayonu ərzisində 6 qadına qarşı soyğunçuluq etməkdə təqsirli bilinib. O, həmin qadınların qızıl-zinət əşyalarını ələ keçirməkdə şübhəli bilinərək, Nəsimi Rayon Polis İdarəsinin (RPİ) əməkdaşları tərəfindən saxlanılıb. R.Məlikov Cinayət Məcəlləsinin 180-ci (soyğunçuluq) maddəsi ilə ittiham olunur.