Bakıda doqquz marşrut xəttinin istiqaməti dəyişdirilib

Bakıda doqquz marşrut xəttinin istiqaməti dəyişdirilib
19:05 25 Oktyabr 2016
134 Ölkə
Ölkə mətbuatı
A- A+

Bakıda doqquz marşrut xəttinin hərəkət istiqaməti dəyişdirilib.

Bakı Nəqliyyat Agentliyindən APA-ya verilən məlumatda qeyd olunur ki, ötən həftə Bakı şəhərinə yağan intensiv yağışlar nəticəsində Binəqədi rayonu Binəqədi şosesinin bir hissəsi yağış sularının altında qalıb. Mövcud vəziyyətin artıq bir neçə gündür davam etməsi yolda avtonəqliyyat vasitələrinin, o cümlədən sərnişin avtobuslarının hərəkəti üçün ciddi təhlükə yaradıb.

Hazırda yolda hərəkət tamamilə dayandırılıb. Bu səbəbdən də həmin şosedən keçən 9 marşrut xətti üzrə (100, 108, 123, 133, 134, 147, 155, 165, 179) avtobusların hərəkətində də dəyişiklik edilib.

Məqsəd, sərnişinlərin təhlükəsizliyini təmin etməkdir.

Hazırda Bakı Nəqliyyat Agentliyi daşıyıcı şirkətlərlə birgə sərnişin avtobuslarının alternativ yollarla hərəkətinin təmin edilməsi istiqamətində iş aparır.

Milli.Az

RƏYLƏR

BU KATEQORİYADAN DİGƏR XƏBƏRLƏR