Türkiyənin 11-ci prezidenti Abdullah Gülün İngiltərəyə
səfəri zamanı dövlət başçısı olmasına baxmayaraq, ayaqqabılarının
çıxarıldığı və üzərində axtarış aparıldığı xəbəri gündəmə
gəlib.
Publika.az Türkiyə mediasına istinadən xəbər verir ki, bu
barədə xarici işlər naziri Mövlud Çavuşoğlu jurnalistlərlə söhbət
zamanı bildirib.
“İngiltərədə 11-ci prezidentimiz Abdullah Gül hava limanında
təyyarəsinə minərkən, üzərini axtardılar. Ayaqqabısını çıxartdılar.
Prezidentin ayaqqabısını necə çıxarmaq olar? Bu hadisədən sonra
İngiltərə xarici işlər naziri Türkiyəyə gəldi. Hər şey normal idi,
görüşdük, dialoqlarımızı apardıq. Qayıdanda təlimat verdik, hava
limanında ayaqqabısı çıxarıldı, corablarına qədər axtarış edildi.
Sən mənim prezidentimə edərsənsə, mən də sənə edərəm”, - deyə o
bildirib.
Asif
